ООО "Ребус"

Таҳияи барномаҳои мобилӣ

Банақшагирӣ ва таҳияи барномаҳо барои платформаҳои Windows, Linux, Mac, Android,Java,IOS.

Марҳилаҳои таҳияи низомҳои автоматикунонидашуда (худкор) Марҳилаҳои таҳияи нармафзор ин сиёсати асосии ширкати мо маҳсуб меёбад, ки аз қадамҳои зерин иборат мебошад:

Мӯҳлати иҷрои лоиҳа аз душвории он вобаста аст, ки дар давраи “Гузоштани мақсадҳо” баҳодиҳӣ карда мешавад

Гузоштани вазифаҳо Дар ин марҳила мутахассисони мо низоми мавҷудбудаи фармоишгарро тадқиқ мекунанд. Дар натиҷаи тадқиқот рӯйхати равандҳо тартиб дода мешавад, ки онҳо бояд автоматикунонида шуда, ҷадвали ҳамкориҳои интегратсионӣ ва усулҳои ҳамкорӣ мушаххас гарданд. Рӯйхати мазкур ба вазифаҳо мубаддал мегардад, ки дар он давра ва нархи татбиқ ҳисоб карда мешавад. Ҳамзамон ширкати мо хизматрасониҳои машваратиро ройгон пешниҳод мекунад.

Таҳияи вазифаи техникӣ Дар марҳилаи мазкур рӯйхати вазифаҳо дар лаҳзаҳои дақиқ ҳамчун Вазифаи техникӣ ҳуҷҷатгузорӣ карда мешаванд. Марҳилаи зикргардида яке аз марҳилаҳои асосӣ ба ҳисоб меравад, чунки қабл аз таҳияи низоми автоматикунонидашуда, бояд ҳадафҳо ва натиҷаҳои ниҳоӣ ба таври возеҳ пешниҳод карда шаванд, ки барои татбиқи қадамҳои минбаъда мусоидат хоҳанд кард.

Тасдиқи дизайн (ороиш) (Юзабилити) Намуди зоҳирии низоми автоматикунонӣ, нақши муҳимро мебозад, чунки  барои корбарони асосӣ кор кардан дар муҳити оддӣ ва равшан гуворотар аст. Дар ин марҳила, ангораҳои ороишӣ бо дарназардошти китоби брендӣ ва талаботҳо аз ҷониби фармоишгар барои буриши минбаъдаи он ва омодасозии он ба муҳити барномавӣ тасдиқ карда мешаванд.

Навиштани рамзи барномавӣ Марҳилаи мазкур яке аз марҳилаҳои асосӣ мебошад, чунки ташаккули низоми автоматикунонидашудаи прототипи мустақим оғоз меёбад. Дар ин марҳила, ҳама талаботҳои вазифаи техникӣ ва алгоритмҳои модулҳои таъсири мутақобила дшта, ба назар гирифта мешаванд. Нусхаи демо-нармафзор таҳия карда мешавад, ки ба фармоишгари система намоиш дода мешавад.

Санҷиш ва бартарафсозии носозиҳо Дар ин марҳила, бастаи барномаҳо аз ҷониби мутахассисони мо мавриди санҷиши ҳамаҷониба қарор гирифта, пас аз ба анҷом расидани санҷиши пешакӣ, санҷиш аз ҷониби фармоишгар ва бартарафсозии лаҳзаҳои ба назар нагирифта шуда оғоз мегардад.

Таҳияи дастур барои корбарон Дастур барои истифодаи система яке аз нуктаҳои асосии системаи автоматӣ мебошад. Сохтани ҳуҷҷатҳо нуқтаҳои асосии интиқоли иттилоотро дар шакли дастрас дарбар мегирад. Ҳуҷҷатҳо бояд дар маҷмӯъ ба нуктаҳои асосии истифодаи системаи автоматӣ ҷавоб диҳанд.

Татбиқ ва дастгирии техникӣ Ин марҳила татбиқи системаро дар платформаи фармоишгар ва санҷиши воқеӣ дар реҷаи чаққон дарбар мегирад. Агар супоришҳои иҷрошуда қаноатманд бошанд, пас фармоишгар ризоияти худро барои қабули ҳуҷҷатҳои супоридашавандаро тасдиқ менамояд. Пас аз расонидани дастгирии ботаҷриба, ширкати мо ҷиҳати расонидани дастгирии минбаъдаи техникӣ, масъулиятро бар дӯш гирифта, ҳамзамон ба мизоҷ маҷмӯи таҷҳизоти муҳими замонавиро дар ҳолати корӣ ва ба таври доимӣ кафолат медиҳад.

Ғайр аз ин, гурӯҳи мо хазинаи маълумотҳо  ва инчунин интерфейсҳои барои ҳамкорӣ дар тиҷорат, кор, хониш ва дигар эҳтиёҷот таҳия ва балоиҳагирӣ менамоянд. Хазинаи маълумотҳо ин ҷузъи ҷудонашавандаи ҳама гуна тиҷорати муваффақ мебошад, ки дар он тамоми иттилооти муҳим оид ба мизоҷон, молҳо, таҳвил ва ғайра нигоҳ дошта мешавад. Таъминоти барномавии махсус бошад, ҳамеша барои коркарди ин маълумотҳо, инчунин барои намудҳои дигари автоматикунонии кор дар компютер, дастгоҳҳои мобилӣ ва шабакаи Интернет ва дар шабакаҳои идораи маҳаллӣ лозим аст. Ҳар як хазинаи маълумотҳо беҳамто буда, тибқи талаботи муштарӣ ташкил карда мешавад. Воситаҳои асосии таҳияи хазинаи маълумотҳо MicrosoftAccess, Sqlite, Microsoft SQL Server, MySQL, PgSql, Oracle DB ва дигарон мебошанд.